پاکستان کے سابق اسٹار کھلاڑی یونس خان نے افغانستان کی قومی ٹیم کو بطور بیٹنگ کوچ جوائن کرلیا ہے۔ یونس خان دورہ یو اے ای میں افغان بلے بازوں کی مدد کریں گے۔
افغانستان کرکٹ بورڈ نے لیجنڈ پاکستانی بلے باز کو اپنے آئندہ دورہ متحدہ عرب امارات کے لیے اپنا بیٹنگ کنسلٹنٹ مقرر کیا ہے۔ یونس خان کا اے سی بی کے ساتھ اصل معاہدہ تین ہفتوں کے یو اے ای کے دورے کے لیے ہے، لیکن بیٹنگ ڈویژن پر ان کے اثرات کے پیش نظر ان کا قیام بڑھایا جا سکتا ہے۔
پی سی بی کے ساتھ اختلافات کی وجہ سے 2021 کے وسط میں مستعفی ہونے سے قبل یونس خان نے اس سے قبل ایک سال پاکستان کے ساتھ بطور بیٹنگ کوچ گزارا۔ یونس خان طویل ترین فارمیٹ میں پاکستان کے کامیاب ترین بلے باز ہیں اور ٹیسٹ کرکٹ میں 10,000 رنز بنانے والے واحد کھلاڑی ہیں۔
اس کے علاوہ پاکستان کے سابق فاسٹ باؤلر عمر گل کو دورہ یو اے ای کے لیے افغانستان کا باؤلنگ کنسلٹنٹ مقرر کر دیا گیا ہے۔ افغانستان کی ٹیم تربیتی کیمپ کے لیے پہلے ہی یو اے ای پہنچ چکی ہے جب کہ نئے کوچز کی جلد ٹیم میں شمولیت متوقع ہے۔
.png)
0 Comments